“تحسن سلوك طفل بعد أسبوعين من بدء برنامج تعديل السلوك: تجربة واقعية”
09/07/2025ابني بقى بيسمع الكلام وكلامه تحسن كتير
09/07/2025بسم الله الرحمن الرحيم
معكم دكتور ياسر عبدالله، معانا هنا حالة لطفل عنده حوالي 10 سنوات.
الأب والأم جم من حوالي أسبوعين أو ثلاثة، وكانوا بيشتكوا من سلوكيات صعبة جدًا.
عملنا له أشعة رسم مخ – ودي أشعة مخصوصة بتقيس كهرباء المخ – علشان نشوف إذا كانت الكهرباء في المعدل الطبيعي أو فيها زيادة.
بالفعل بدأنا العلاج، وبفضل الله حصل تحسن كبير جدًا في خلال أسبوعين فقط، مع استخدام صنفين فقط من العلاج.
هسيب والد الطفل يحكي عن الوضع قبل وبعد العلاج:
“قبل العلاج، كان الوضع صعب جدًا. كنا مش قادرين نتعامل معاه خالص.
كنا بندور على دكاترة كتير. ابني كان بيعاني من:
فرط حركة (ADHD) واضح جدًا
عناد شديد
شراهة في الأكل بشكل مبالغ فيه
اضطرابات في النوم
كلام كتير جدًا بدون توقف
لكن بعد ما بدأنا العلاج، الحمد لله:
النوم بقى منتظم
الأكل اتظبط
فرط الحركة (ADHD) قل جدًا
بقى أهدى وبيقدر يقعد من غير حركة زايدة
بقى يسمع الكلام وبيستجيب
اللي فرق معايا فعلًا إن ابني بدأ يظهر إنه عايز يتغير. بقيت حاسس إن عنده إرادة للتحسن.
العصبية قلت، وبقى لما نقوله لأ بيسمع الكلام، بدل ما كان يزن كتير لحد ما إحنا نفسنا نتعب ونتعصب.
دلوقتي الحمد لله الوضع اتغير تمامًا، وفيه فرق كبير جدًا في شخصيته وسلوكه.”
الحمد لله رب العالمين على التحسن، ومع تحياتي،
دكتور ياسر عبدالله
للمزيد من المعلومات عن فرط الحركة (ADHD):
تحسن حالة طفلة تعاني من فرط الحركة وصعوبات النطق بعد شهر من العلاج – شهادة من الأم
