بسم الله الرحمن الرحيم معكم الدكتور ياسر عبد الله، ومعانا حالة الطفل "حذيفة"، عمره 4 سنوات. الوالد والوالدة جُم لينا من أقل من شهر، وكانوا بيشتكوا من أعراض كثيرة جدًا، أهمها: فرط الحركة، قلة النوم بشكل شديد، ضعف في الكلام، عدم تنفيذ الأوامر، والنسيان وقلة التركيز. بعد الفحص والتقييم، عملنا رسم مخ علشان نطمن على انتظام وظائف المخ، وبدأنا العلاج المناسب. النهاردة كانت الزيارة التانية، والأهل جُم بيتكلموا عن تحسن كبير جدًا حصل خلال وقت قصير. دلوقتي الأم هتحكي بنفسها عن الأعراض قبل وبعد العلاج: "قبل العلاج، ماكنش بينام خالص، كان بيصحى 6 أو 7 مرات كل ليلة، وبيبكي كتير، وانا مش عارفة هو عايز إيه. الكلام عنده كان ضعيف، ماكنش بيقول جمل واضحة، وكان بيتحرك كتير، ومافيش استجابة ولا تركيز، وما بيسمعش الكلام. بعد العلاج، الحمد لله بقى ينام كويس جدًا، ولو صحي بيشرب وبيكمل نومه عادي. الكلام اتحسن، وبقى بيتكلم كلمات أكتر، وبيفهمني. بقول له: هاتلي ميه، يروح يجيب. بقى بينفذ الأوامر، ونسيانه قل، وتركيزه بقى أفضل، وفرط الحركة قل، والشقاوة كمان." التحسن ده حصل في أقل من شهر، وبعلاج بسيط مكوّن من صنفين أو 3 بالكثير. وده فضل كبير جدًا من ربنا سبحانه وتعالى. نتمنى لابننا حذيفة المزيد من الشفاء والتحسن. تحياتي الدكتور ياسر عبد الله للمزيد من المعلومات عن فرط الحركة https://www.mayoclinic.org/ar/diseases-conditions/adhd/symptoms-causes/syc-20350889 علاج فرط الحركه و تشتت الأنتباه عند الاطفال