بسم الله الرحمن الرحيم معكم د. ياسر عبد الله. معانا حالة ابننا العزيز (15 سنة)، كان جالنا من حوالي شهرين، وهو في الأساس حصل له تلف في المخ من وقت الولادة بسبب ارتفاع نسبة الصفراء بشكل شديد. لما الصفراء بتزيد جدًا وتترسب في المخ، بتؤدي لتلف في مراكز مختلفة منه. بسبب ده تم تشخيصه بـ شلل دماغي (ديستونيك سي بي – Dystonic CP)، وهو نوع من أنواع الشلل الدماغي بيأثر على الحركة والتوازن والكلام. الأعراض قبل العلاج الأم الفاضلة بتحكي: في المشي: الخطوات مش منتظمة، ما كانش بيرفع رجله من على الأرض، والرجل بتزحف وهو ماشي. هيئة الجسم: ما كانتش متناسقة مع طوله. حركة اليدين: كان بيرفع إيديه في الجوانب بشكل غير طبيعي. التوازن: ما فيش توازن أو ثبات في الحركة، أقل لفة أو انحناءة تخليه يقع بسهولة. التنسيق والمرونة: في خلل واضح في تنسيق الحركات والمرونة، وكأن في معاناة وعُصبية في الحركة. العضلات: شديدة الشد (Spasticity) بشكل ملحوظ. الكلام: كان في صعوبة كبيرة جدًا، اللسان ما بيطلعش الحروف صح، الكلام مش واضح، لدرجة إن الأم والإخوة ما كانوا بيفهموه بسهولة. حتى هو نفسه كان بيسكت كتير لأنه مش قادر يوصل كلامه. بعد الفحص عند أساتذة الأنف والأذن، اتأكد وجود اضطراب في النطق (Dyskinetic Dysarthria). بعد العلاج بعد الانتظام على العلاج في العيادة لمدة شهرين وتم علاج الشلل الدماغي وحصل تطور في: في التوازن: بقى عنده ثبات أفضل وما بيقعش بسهولة زي الأول. في العضلات: درجة الشد قلت بشكل ملحوظ. في الكلام: بدأ يبقى أوضح شوية، واللي حواليه بقوا يقدروا يفهموه بشكل أفضل. الحمد لله، دي بداية مشوار التحسن، وبإذن الله هنكمل معاه لنتائج أفضل.  

• Facebook
• TikTok
• Twitter (X)
• YouTube - Dr. Yaser Abdallah
• Instagram
• LinkedIn
• Official Website