الرقبة والألم المستمر: حالة شفاء مذهلة لسيدة عانت لأسبوع كامل

بسم الله الرحمن الرحيم
معكم د. ياسر عبد الله،
النهاردة حابب أشارككم واحدة من الحالات المهمة اللي اتشرفت بعلاجها،

وهي لسيدة فاضلة عمرها حوالي خمسين سنة، كانت بتعاني من ألم شديد تحت الأذن اليسرى،

وكان الألم مأثر بشكل كبير على حياتها اليومية.

تفاصيل الحالة

المريضة جات العيادة وهي بتشتكي من ألم حاد تحت الأذن من الناحية الشمال و الرقبة ،

وكان بيمتد ل الرقبة  وصدرها من فوق، وبتقول إن الألم كان بيزيد جدًا مع أي حركة للرقبة،

لدرجة إنه كان مانعها من النوم أو حتى الجلوس براحة.

تحكي وتقول:

“كنت حاسة بوجع شديد جدًا، مش عارفة أنام ولا أقعد ولا أتحرك.

كل ما ألف رقبتي أو أتحرك، الألم يزيد أكتر. فضلت أسبوع كامل تعبانة ومش قادرة أعيش حياتي بشكل طبيعي.”

بداية العلاج

بعد الفحص والتشخيص، بدأنا العلاج، وبفضل الله خلال أول يومين فقط، حصل تحسن كبير جدًا.

“الحمد لله من أول يومين العلاج جاب نتيجة، والوجع اختفى تمامًا، ومارجعش تاني.

قدرت أنام وأتحرك من غير ألم لأول مرة من أيام.”

تجربة زوجها مع العلاج

اللي يميز الحالة دي كمان إن زوجها كان جالنا في العيادة قبل كده بحالة مختلفة تمامًا،

لكن بنفس الروح الإيجابية.

تحكي الزوجة:

“جوزي كان بيعاني من مشكلة في المخ، ومكنش بيقدر يمشي نهائي.

لا بيقدر يتحرك، ولا يطلع من البيت، ولا حتى يمسك حاجة.

بس بعد ما جه هنا، وعمل الأشعة، وبدأ العلاج، اتحسن جدًا. دلوقتي بيخرج، وبيمشي، وبيتواصل كويس، وبقى حتى بيركب الموتوسيكل لوحده.”

تحسن واضح في التركيز والذاكرة

مش بس الحركة اللي اتحسنت عند الزوج، كمان التركيز والذاكرة اتحسنوا بشكل ملحوظ.

> “بقى أكثر تركيزًا، وذاكرته بقت أفضل. التغيير فرق معانا كلنا كأسرة.”

—

كلمة من الدكتور

“بشكر الأسرة الكريمة دي على كلامهم الطيب وثقتهم فيّا، وسعيد جدًا بالنتائج اللي وصلنا لها بفضل الله.

دايمًا هدفنا هو تخفيف آلام الناس، ومساعدتهم يرجعوا لحياتهم الطبيعية في أسرع وقت ممكن.”

مع تحيات
د. ياسر عبد الله

للمزيد من المعلومات عن الام الرقبة و الأنزلاق الغضروفي:

العلاج الطبيعي الفيزيقي لآلام الظهر والانزلاق الغضروفي

https://www.mayoclinic.org/diseases-conditions/herniated-disk/symptoms-causes/syc-20354095