تحسن حالة طفل يعاني من ضعف التركيز وفرط الحركة خلال أسبوعين – شهادة من الأم
15/07/2025
فرط الحركة عند الأطفال: تجربة علاجية وتحسن ملحوظ خلال 20 يوم
19/08/2025بسم الله الرحمن الرحيم
معكم دكتور ياسر عبد الله.
معنا اليوم حالة متشخّصة بـ متلازمة داون، كانت قد جاءت إلينا منذ حوالي شهر. قمنا بعمل أشعة رسم مخ، وبدأنا خطة العلاج.
وبفضل الله، يبدو أن هناك تحسنًا كبيرًا جدًا في الحالة.
الآن نترك الأم الفاضلة لتحدثنا عن الأعراض قبل العلاج وبعده.
الأم:
أحمد كان عنده فرط حركة زائد، وكان بيقول ألفاظ مكتسبة غير لائقة، وكان بيضرب ويكون عدواني.
لكن مع العلاج، الحمد لله، اتحسن بدرجة كبيرة. الألفاظ قلت جدًا، والعدوانية قلت بشكل واضح، وأصبح يسمع الكلام ومطيع، وما بقاش يعمل أي تصرفات غلط.
دلوقتي مفيش ألفاظ خالص، وما عادش بيضرب، والعنف والحاجات دي اختفت تقريبًا.
د. ياسر:
تمام، والكلام اتحسن؟
الأم:
الحمد لله الكلام اتحسن بدرجة كويسة جدًا. هو كان الكلام عنده متأخر، دلوقتي بقى يتكلم أكتر وبشكل أفضل، وكمان الإدراك عنده زاد بدرجة كبيرة.
د. ياسر:
بمعنى إيه الإدراك زاد؟
الأم:
يعني بقى مدرك لكل حاجة حواليه، فاهم الدنيا ماشية إزاي، عارف الساعة كام، وبيعرف أصوات الأذان،
والوجبات، وكل تفاصيل الحياة العادية. حتى بقى عارف مواعيد دوائه، ويطلبه بنفسه في وقته، وكأنه إنسان طبيعي.
د. ياسر:
الإدراك والوعي بقى أفضل؟
الأم:
أيوه، الحمد لله.
د. ياسر:
طبعًا ده تحسن كبير جدًا في حوالي شهر تقريبًا، وده بعد ما بدأنا له حوالي 3 أصناف دواء.
نتمنى لابننا العزيز مزيد من الشفاء والتقدم.
مع تحيات
دكتور ياسر عبد الله
للمزيد من المعلومات عن الإدراك و التركيز:تحسن حالة طفل يعاني من ضعف التركيز وفرط الحركة خلال أسبوعين – شهادة من الأم
