معلومتنا الطبيه انهاردة عن سر المعادن في الحفاظ علي صحة العمود الفقري  والمخ
المعادن والكالسيوم وفيتامين د… سر قوة العمود الفقري!
العمود الفقري مش بس الدعامة الرئيسية للجسم، ده كمان المسؤول عن الحركة والتوازن وحماية الحبل الشوكي
علشان يفضل قوي وصحي، محتاج عناصر غذائية أساسية أهمها:
الكالسيوم:
هو حجر الأساس في بناء العظام والفقرات. نقصه بيؤدي لهشاشة وضعف العمود الفقري، وبالتالي سهولة التعرض للكسور والآلام المزمنة.
فيتامين د:
هو "المفتاح" اللي بيساعد الجسم يمتص الكالسيوم من الأمعاء
من غيره، حتى لو تناولنا كالسيوم بكميات كافية، الجسم مش هيستفيد كويس. نقص فيتامين د بيزود خطر هشاشة الفقرات وتشوه العمود الفقري.
المعادن الأخرى (الماغنيسيوم – الفوسفور – الزنك):
الماغنيسيوم:
بيساعد على توازن الكالسيوم داخل العظام ويقلل التشنجات العضلية
الفوسفور:
عنصر أساسي مع الكالسيوم في تكوين العظام.
الزنك:
بيدعم التئام الأنسجة وتجديد خلايا العظام.
الخلاصة:
الحفاظ على صحة العمود الفقري مش بس بالرياضة أو الوضعية السليمة،
لكن كمان بالتغذية الصحية الغنية بـ الكالسيوم + فيتامين د + المعادن الأساسية. علشان كده مهم نهتم بأكل منتجات الألبان
الأسماك ,المكسرات والخضروات الورقية ، وكمان التعرض للشمس يوميًا باعتدال.
نصيحة طبية:
لو عندك آلام متكررة في الظهر أو ضعف عام، استشير طبيبك لقياس مستويات فيتامين د والكالسيوم والمعادن في الدم.
مع تمنياتي بالشفاء للجميع
ا.د. ياسر عبد الله